ಇದ್ದು ಬಿಡಬೇಕು
ನಿನ್ನಂತೆ
ಇದ್ದರೂ ಇರದಂತೆ
ನಿತ್ಯ ನೆರೆದರೂ ಸಂತೆ
ಇಲ್ಲ ಚಿಂತೆ!
ಬಿಸಿಲು ಮಳೆ ಚಳಿಗಾಳಿಗೆ
ಹಿಗ್ಗದೇ ಕುಗ್ಗದೇ
ಎಲ್ಲಿಯೂ ಲೆಕ್ಕಕ್ಕೆ ಸಿಗದೇ
ಯಾರಿಗೂ ವೇದ್ಯವಾಗದೇ
ಇದ್ದು ಬಿಡಬೇಕು
ನಿನ್ನಂತೆ
ಇದ್ದರೂ ಇರದಂತೆ.
ಅದೆಷ್ಟು ತರಹೇವಾರಿ
ಹಸಿಬಟ್ಟೆಗಳು ನಿತ್ಯವೂ
ನಿನ್ನ ಮೇಲೇರಿ
ಕೆಳಗಿಳಿದು
ಒಣಗೊಣಗಿ ಮಡಿಯಾಗಿ
ರಾಜಠೀವಿಯಲಿ ಮೆರೆದವೋ
ಕೃತಜ್ಞತೆ ಎಂದವೇ?
ಇಲ್ಲವೆಂದು ನೀನೊಂದೆಯೆ?
ನಿತ್ಯ ಹಸಿಬಟ್ಟೆಗಳ ಹೇರಿಕೊಂಡು
ಒಂದಿಷ್ಟೂ ಗೊಣಗದೇ
ಒಣಗೊಣಗಿಸಿ ನೀಡಿಯೂ
ತಟಸ್ಥವಾಗಿ ನಿಂತ ತಂತಿಯೇ
ಇದ್ದು ಬಿಡಬೇಕು
ನಿನ್ನಂತೆ
ಇದ್ದರೂ ಇರದಂತೆ!
*****
ಸುಂದರರಾಜ್ ಬೆಂಗಳೂರಿನಲ್ಲಿಯೇ ಹುಟ್ಟಿಬೆಳೆದವನು. ಹಾಗಾಗಿ ಅವನು ಕನ್ನಡ ಮಾಧ್ಯಮದಲ್ಲಿಯೇ ವಿಧ್ಯಾಭ್ಯಾಸ ಮಾಡಿ ಮುಂದೆ ಕಾಲೇಜಿನ ದಿನಗಳಲ್ಲಿ ಇಂಗ್ಲೀಷ್ ಮಾಧ್ಯಮದಲ್ಲಿ ಓದಿದ್ದ. ತನ್ನ ಮಾತೃ ಭಾಷೆಯಾದ ತಮಿಳು ಸಾಧಾರಣವಾಗಿ… Read more…
"ಏ ಕಾಗಿ, ಕಾಳೀ ಮಗನ! ಯಾಕ ಕೂಗ್ತೀಯಾ?" ಭಾವಿಯಲ್ಲಿಯ ಹಗ್ಗ ಮೇಲೆ ಕೆಳಗೆ ಹೋಗುತ್ತಿರುತ್ತದೆ. ಒಂದು ಮೊಳ ಹಗ್ಗ ಸೇದಿದರೆ ಅರ್‍ಧ ಮೊಳ ಒಳಗೆ ಸೇರಿರುತ್ತದೆ. "ಥೂ… Read more…
ಹೇಮರಡ್ಡಿ ಪ್ರಭುಗಳು ಒಂದು ಊರಿನ ದೇಸಾಯರು. ಆ ಗ್ರಾಮದ ಉತ್ಪನ್ನವು ಆರೇಳು ಸಾವಿರ ರೂಪಾಯಿ ಇರುವದಲ್ಲದೆ ದೇಸಾಯರಿಗೆ ತೋಟ ಪಟ್ಟಿ ಮನೆಯ ಒಕ್ಕಲತನಗಳಿಂದಾದರೂ ಪ್ರಾಪ್ತಿಯು ಚನ್ನಾಗಿತ್ತು. ಅವರೊಂದು… Read more…
ಚಿತ್ರ: ಆಂಬರ್‍ ಕ್ಲೇ ಇಶಾಂ ನಮಾಜಿಗೆ (ರಾತ್ರೆಯ ನಮಾಜು) ಮೊದಲು ಅರಬ್ಬಿ ಪುಸ್ತಕವನ್ನು ಬ್ಯಾಗಿನೊಳಗಿಟ್ಟುಕೊಂಡು, ಅದನ್ನು ದುಪಟ್ಟದೊಳಗೆ ಮರೆ ಮಾಡಿಕೊಂಡು ಓಡಿ ಬಂದ, ತರನ್ನುಮ್‌ ನೀರು ಹರಿಯುತ್ತಿದ್ದ… Read more…
ಗರ್ಭಿಣಿಯರ ನೋವು ಚೀರಾಟಗಳಿಗೆ ಡಾಕ್ಟರ್ ಸರಳಾಳ ಕಿವಿಗಳೆಂದೋ ಕಿವುಡಾಗಿ ಬಿಟ್ಟಿವೆ. ಸರಳ ಮಾಮೂಲಿ ಎಂಬಂತೆ ಆ ಹಳ್ಳಿ ಹೆಂಗಸರನ್ನು ಪರೀಕ್ಷಿಸಿದ್ದಳು. ಹೆಂಗಸು ಹೆಲ್ತಿಯಾಗಿದ್ದರೂ ಒಂದಷ್ಟು ವೀಕ್ ಇದ್ದಾಳೇಂತ… Read more…
